Heil og sæl!

Það er sko kominn tími á blogg, þó svo þetta verði víst síðasta færslan sem verður skrifuð hér. Þeir sem vilja fylgjast með okkur geta kíkt á síðuna hjá Jónínu Margréti www.barnanet.is/februarbarn .

Ég ætlaði nú ekki að skrifa mikið í þessari færslu, heldur setja ljósmyndirnar úr brúðarmyndatökunni hér inn. Enda alveg kominn tími á það

Njótið













































Takk fyrir að fylgjast með okkur á síðunni okkar og takk fyrir allar athugasemdirnar. Það var alltaf gaman að lesa þær Ég vona að þið haldið áfram að fylgjast með þó svo það verði á annarri síðu.

Kveðja,
Berglind, Doddi og Jónína Margrét

www.barnanet.is/februarbarn

Loksins, loksins koma þær

Við erum samt ekki ennþá búin að fá myndirnar okkar, en hún Dröfn frænka tók þessar myndir. Fékk þær lánaðar hjá henni svo allir gætu séð Ég set síðan restina inn þegar við fáum þær myndir og líka myndir frá Monréal. Þar var alveg frábært að vera. Gott veður og falleg borg. Við gerðum nú ekki mikið af því að verlsa, enda tilgangur ferðarinnar að slappa af eftir flutninga og brúðkaupsstúss og notuðum við tíman vel í að skoða borgina. Fórum í ég veit ekki hvað margar kirkjur, vísindasafn, siglingu, hljólabíl, hjólabát, hestakerru, U2 tónleika í 3D bíó og margt margt fleira.

En hér koma myndirnar


Sr.Ólafur Jóhann sem er frændi Dodda að gifta okkur í Háteigskirkju.


Hér eru brúðarmeyjarnar ásamt öllum gestunum að blása sápukúlum rétt áður en við gengum inn.


Og hér erum við NÝGIFT


Eins og margir vita þá tók langan tíma að fá brúðarkjólinn í hús. En hér er hann!


Jónína Margrét sæta brúðarmey


Hér erum við ásamt foreldrum okkar við háborðið


Hr.Þórður og Frú Berglind


Og ein í lokin af Jónínu Margréti sem fékk BLÁAN sleikjó, haha

Kv.Frú Berglind

........nýgift og á leið til Montreal á morgun í brúðkaupsferð

Það koma myndir seinna af brúðkaupinu þar sem við erum ekki búin að fá neinar ennþá.

En takk æðislega fyrir allar kveðjurnar og fyrir daginn, þeir sem eyddu honum með okkur. Þetta var algjörlega frábær dagur í alla staði!

Fleiri fréttir og myndir af okkur eftir brúðkaupsferð.

Lifið heil

Frú Berglind

Í dag eru 4 ár síðan að ég og Doddi fórum að rugla saman reitum
Við kynntumst semsagt á Þjóðhátíð í Eyjum þegar ég var ekki einu sinni búin að tjalda tjaldinu mínu og höfum verið saman síðan

Það hefur margt gerst á þessum 4 árum og ef ég stikkla á stóru þá keyptum við okkar fyrstu íbúð saman í október 2005 og fluttum inn í hana í nóvember 2005, 11.febrúar 2006 fæddist síðan Jónína Margrét, sumarið 2006 fluttum við síðan til Álaborgar þar sem Doddi fór í master í rafmagsverkræði, þar kláraði ég líka stúdentsprófið mitt í fjarnámi, en á meðan leigðum við íbúðina okkar út, þann 18.janúar 2007 fór Doddi á skeljarnar, síðan núna í byrjun júlí fluttum við aftur til Íslands í sömu íbúð og áður og Doddi er farinn að vinna hjá verkfræðistofunni Mannvit og við erum síðan að fara að gifta okkur þann 16.ágúst

Í tilefni af deginum ætlum við skötuhjú að fara út að borða á Fjöruborðið og Doddi ætlar að gera það fyrir mig að fara á Mama Mia....svo góður við mig



Annars er bara brjálað að gera hjá okkur. Doddi byrjaður í nýrri vinnu og verið að undirbúa brúðkaupið og síðan er það heilmikið stúss að flytja heim og taka upp úr öllum kössum. Við fórum líka í það að setja upp nýja eldhúsinnréttingu og rífa fataskápinn úr svefnherbergi og setja fram í hol til þess að Jónína Margrét gæti haft leikpláss.

Annars fer óðum að styttast í brúðkaupið og við erum orðið mjög spennt Við ætlum síðan í brúðkaupsferð í eina viku til Montreal Við förum bara tvö og það er í fyrsta skipti sem við förum tvö saman til útlanda og held ég bara kominn tími til svei mér þá

Ég vil síðan enda þessa færslu á að óska honum Halldóri frænda mínum til hamingju með afmælið

Sallingsundvej tóm!



Eftir að hafa gist eina nótt á hóteli í Álaborg þá var ferðinni haldið til Berlínar


Safn í Berlín


Sætust


Ég og Doddi fyrir utan safnið


Doddi á kaffihúsi með einn kaldan Berliner


Ég og Jónína Margrét fórum að gefa fuglunum brauð


Sólhlífin gerði góða hluti í ferðinni


Það er eins gott að opna munninn nógu mikið til að hitta rörinu upp í sig


Doddi með einn kaldan


Við fórum á austurlenskan stað og VÁ hvað maturinn var sterkur, enda drukkum við öll tvöfallt á við vanarlega!


Doddi með kortið af Berlin


Falleg borg!


Ég hitti einn mjúkan og góðan


Brandenburgarhliðið


Brandenburgarhliðið í nærmynd


Hvar er Berglind?


Við fórum inn í garð og þar var þessi fallega stytta


Það var mikið um hjólataxa í Berlin, hljóta að vera í góðu formi þessi!


Það var síðan kíkt í Sony Center, en ekki hvað!


Það ættu allir að hafa eitt svona upp á vegg heima hjá sér


Hér skiptist Berlin í Austur- og Vestur Berlín


Sigur rós að meika það í Berlin!!!!


Svaka stórt og mikið veggjakrot


Doddi og Jónína Margrét í bænum


Skötuhjúin í bænum


Fjölskyldumynd

Við lifðum á Starbucks....ískaffi þegar það var heitt og heitu kaffi þegar það var kalt


Ljósmynd af Berlínarmúrnum


Síðan varð nú að gera eitthvað skemmtilegt fyrir litlu manneskjuna líka


Ég með einum góðum


Við fórum í draugalest


Spúkí! ....og síðan náðist ekki mynd ag drekanum þar sem hann hnerraði á myndavélina!


Sæta í boltalandi


Jónína Margrét og ein stelpa að snúa sér á þessu tæki sem að sú stutta varð ekkert smá ringluð á, híhí


Síðan mátti ekki sleppa að fara í 4D bíó


Batman var á svæðinu


Doddi hjá kaffihúsinu í Legolandi


Síðan var farið út að borða á mjög góðan stað!


Jónína Margrét fékk jarðarberjashake í eftirrrétt


Og ég og Doddi tíramísútertu


Er hægt að vera eitthvað girnilegri en þetta?


Við mæðgur saddar og sælar


Síðan kom að því að Berlinarferðinni lauk


Þarna sést í íslandið góða

Og nú erum við semsagt FLUTT til Íslands, believe it or not! Við erum núna í kotinu hjá mömmu og pabba en flytjum aftur í kompuna góðu í vikunni.

Annars erum við að fara í skírn til óskírðs Þorsteinssonar á eftir, semsagt strákur Fanndísar og Steina Mikill spenningur yfir hvað hann á að heita! Og síðan er það sunnudagsmaturinn beint á eftir því

Við hlökkum til að hitta ykkur!

Núna er verið að fara að taka tölvuna úr sambandi og í kvöld verður heimasíminn tekinn úr sambandi. Þá er liggur við búið að taka okkur úr sambandi við umheiminn
En við verðum með dönsku gemsanúmerin okkar fram á þriðjudag líklegast og síðan íslensku gemsanúmerin eftir það.

Annars útskrifaðist Doddi á föstudaginn HÚRRA fyrir honum!

Þá fer að líða að flutningum

Gámurinn kemur núna 30.júní, eða næsta mánudag kl.10. Ef það er einhver sem getur séð sér fært um að koma hingað og hjálpa okkur að bera í hann þá væri það alveg frábært!

Pítsa og gos verður í boði

Jæja, vitiði hvað....

Ég er orðinn verkfræðingur!



(mikill fögnuður!!!!)

...eða ekki alveg formlega orðinn verkfræðingur en hef lokið öllu sem þarf til að öðlast nafnbótina.

Hélt sem sagt fyrirlesturinn í dag og gat leiðrétt heilmikið sem rangt hafði verið gert í skýrslunni sem ég skilaði fyrir tveimur vikum síðan, sérstaklega nokkur atriði í sambandi við stability analysis. Prófdómararnir voru bara nokkuð hrifnir af frammistöðunni og það kom mér sérstaklega á óvart hvað þeir voru áhugasamir í tilraunastofunni... þá sá maður af hverju þessir menn eru prófessorar í því sem þeir gera, því það kom alveg glampi í augun á þeim þegar þeir fóru af fikta í græjunum

Mér gekk síðan bara vel í spurningunum fannst mér og varð lokaniðurstaða 10 í einkunn. En fyrir þá sem ekki vita þá er 10 næst hæsta einkunnin en mögulegar einkunnir eru 12, 10, 7, 4, 2, 0 og -3.

Þá tekur bara flutningurinn við og undirbúningurinn fyrir brúðkaupið og leit af vinnu auðvitað, það verður sko nóg að gera. En allavega núna slappar maður af það sem eftir lifir dagsins og nýtur ljúfra tóna með A-ha!


A-HA - The Sun Always Shines On TV(1985)

Sum ykkar vita að ég er byrjuð að selja LR vörur þar sem ég og Doddi prófuðum að fara á LR Henning kúrinn og skrifuðum niðurstöðurnar hér á bloggið. Til að rifja það aðeins upp þá vorum við á kúrnum í 2 1/2 viku og ég léttist um 3 1/2 kg. og Doddi um 4kg. Margir kúrar sem maður missir mikið á stuttum tíma láta mann bæta á sig aftur því sem maður náði af sér fljótlega, en ég er aðeins 300gr. þyngri núna heldur en ég var eftir kúrinn og Doddi er 500gr. léttari og við erum bara á sama gamla fæðinu núna og höfum verið síðan kúrinn kláraðist.

LR vörurnar eru ekki aðeins þessi kúr, heldur alls kyns hágæða vörur á lágu verði. Þar eru t.d. seldar baðvörur, Aloe Vera vörur, andlitsvörur og ilmvötn. Stjörnur setja nöfn sín á þessar vörur, eins og Heidi Klum, Christina Aguilera, Anastacia og Michael Schumacher.

Þessar vörur eru ætlaðar konum, körlum, börnum og dýrum.

Þar sem ég er byrjuð að selja þessar vörur hef ég opnað heimasíðu þar sem þið getið séð allar vörurnar á markaðnum.


www.lrvorur.is

Þá er þetta allt saman að koma hjá okkur!

Doddi ver verkefnið sitt þann 19.júní, semsagt eftir viku
Síðan erum við búin að panta gám og hann kemur þann 30.júní. Við verðum síðan að vera búin að keyra bílinn til Árósa í gám þar fyrir þann tíma. Ætli við skilum ekki lyklunum af íbúðinni hér um miðjan daginn 30.júní og þá verður líklegast kveðjuhóf hjá dagmömmunni fyrir Jónínu Margréti um 3leytið. Við verðum þá barasta að rölta þangað yfir með ferðatöskurnar og tökum síðan leigubíl líklegast á hótel hér í Álaborg í eina nótt og þá er ferðinni haldið til Berlínar Við erum búin að kaupa miðana þangað. Þannig að ferðin verður þannig að við fljúgum fyrst til Kaupmannahafnar og síðan til Berlínar þann 1.júlí og verður þar til 5.júlí. Við fáum fría gistingu þar sem Goði var svo góður að leyfa okkur að gista í íbúð sem hann á með öðrum í Berlín. Þar eigum við örugglega eftir að finna okkur margt skemmtilegt að gera Og síðan þann 5.júlí þá fljúgum við frá Berlín til Kaupmannahafnar og síðan heim til Íslands og þá erum við FLUTT heim!!
Þetta er bara allt of skrítið!

Fanndís, Steini og lilli komu hingað til okkar í mat í gær. Við vorum að kveðja þau þar sem þau eru að fara til Íslands í dag. Og það er skrítið að hugsa til þess að næst þegar við hittumst þá verður það í skírninni hans lilla og þá verðum við flutt til Íslands.

Mér fannst líka mjög skrítið í gær þegar að dagmamman hennar Jónínu Margrétar sagði að það hefði komið lítill strákur í gær til hennar með foreldrum sínum sem fær plássið hennar Jónínu Margrétar þegar hún hættir En svona er þetta víst.

Ég er búin að pakka nokkuð. Það eru alla vega kassar hér út um allt! En núna þegar við erum með gám í staðinn fyrir bretti eins og síðast þá þarf ekki að pakka öllu svona rækilega inn, svo þetta ætti að taka styttri tíma. Síðan ætlum við líka að framkalla myndir áður en við förum og VÁ hvað tekur endalaust langan tíma að finna þær myndir sem maður ætlar að framkalla!! Við eigum alveg eftir að framkalla myndir frá því síðan í október 2006 og ég hef ekkert tekið fáar myndir á þessum tíma....bara svona eins og á hverjum degi og alveg fullt af þeim! Viljum framkalla áður en við förum þar sem það er mun ódýrara að framkalla hér heldur en á Íslandi.

En ég get nú ekki klárað að skrifa þessa færslu nema að sjokkerast aðeins yfir því hvað er ÓTRÚLEGA DÝRT að flytja!!!
Lítill gámur, bíllinn með skipi og flugmiðar kosta yfir hálfa milljón!!!!
Er þetta grín??

Hildur fær líklegast þann heiður að vera síðasti gesturinn sem kemur hingað til okkar á Sallingsundvej þar sem það eru aðeins 23 dagar þangað til við ætlum okkur að flytja frá Álaborg. En annars væri náttúrulega alltaf gaman ef einhver kæmi. Nú fer hver að verða síðastur
Hildur var semsagt að flytja frá Aarhus og stoppaði hjá okkur frá mánudegi-miðvikudags áður en haldið væri til íslands nokkrum dögum síðar.



Hér er heimasætan að hlaða dóti ofan á gestinn



Hildur og Jónína Margrét lásu margar bækur saman, enda ekki mikið annað hægt að gera þar sem Jónína Margrét var veik :/



Jónína Margrét að pompa af boltanum sínum



Doddi lét sjá sig inn á milli þess sem hann var upp í skóla að leggja lokahönd á verkefnið sitt



Þrátt fyrir ungan aldur þá er Jónína Margrét alltaf að þrífa eitthvað



Hildur og Jónína Margrét voru góðar saman



Jónína Margrét nældi sér í veskið hennar Hildar og raðaði öllum kortunum hennar á borðið



Ég og Doddi



Síðan kom dagurinn sem Doddi skilaði verkefninu sínu og þá var bökuð kaka



Allir að setja sig í stellingar fyrir kökuna



Jónína Margrét var ennþá svo þreytt þegar að hún vaknaði að hún sofnaði í pabbafangi



Hildur skvís orðin húkt á Grey´s Anatomy



Áður en Hildur fór á rútustöðina á næsta stopp á Jótlandinu þá gæddum við okkur á heimatilbúinni pítsu.

Takk fyrir heimsóknina Hildur. Það er alltaf gaman að fá þig

Annars varð Jónína Margrét veik á sunnudeginum fyrir viku. Var þá komin með 39 stiga hita, sem lækkaði samt niður í 37,7 stiga hita á mánudeginum, en síðan á mánudaginn þá hefur hún verið með á milli 37,7-38,1 stiga hita og er þá búin að vera með hita í heila viku! Það gerir það dálítið eftir fyrir mig að pakka og gera allt það sem þarf að gera áður en við flytjum, en vonum bara að þetta fari að lagast.

Kveðjur frá Sallingsundvej

Gott að vita að á meðan fótboltavertíðin nær hæstu hæðum með EM þá er líka hugsað um þá karlmenn sem ekki hafa gaman af fótbolta.

Á meðan EM er í gangi í karlaknattspyrnu þá er líka EM í bikínibolta kvenna, skoðið myndbandið í þessum link og hugsið ykkur aðeins um á hvorri stöðinni þið verðið með stillt á, TV2 eða SBS.NET:

http://ekstrabladet.tv/sport/article1016884.ece

Þá er fyrrverandi Skúli og núverandi Pía farin frá okkur




Það var nefnilega þannig að fyrir u.þ.b. viku þá byrjuðu hárklumparnir af Skúla að hrynja af honum. Okkur fannst þetta frekar skrítið, en bjuggumst bara við að vetrarhárin væru að fara af honum. Síðan fyrir nokkrum dögum þá var lokið á búrinu hans Skúla opið og hann stóð á tveimur fótum til að kíkja út og þá sá ég undir hann og brá ekkert smá þegar ég sá að það vantaði næstum öll hárin á hann undir maganum Ég hafði þá samband við Vigdísi sem útskrifast sem dýralæknir um jólin og hún talaði betur við vinkonu sína sem ætlar að verða kanínudýralæknir og á fullt af kanínum sjálf og hún sagði að hún héldi að þetta væri stelpa sem héldi að hún væri ólétt og væri að reyta sjálf af sér hárið til að gera hreiður fyrir kanínuungana sína, en þetta stæði bara yfir í nokkra daga. Það passaði alveg því ég varð vitni af því þegar hún reif af sér hárin og síðan var hún hætt þessu í fyrradag, sem betur fer!

En hér koma myndir af sjálfspyntaranum





En kanínan fékk nýja eigendur í dag og heitir núna Pía. Mér finnst það nafn passa heldur betur á kvenkynskanínu heldur en Skúli

Birna hún er orðin nágranni þinn

Þá er það orðið alveg pottþétt! Við erum að fara að flytja heim til Íslands!!!!

Við vorum reyndar búin að segja upp leigusamningum hérna úti og líka í litla kotinu okkar á Íslandi, því við þurftum jú að gera það þótt við yrðum áfram úti til að eiga eitthvað heimili ef við myndum flytja heim og við vildum ekki heldur vera að borga 3ja mánaðar leigu hér og vera flutt heim til Íslands svo þannig var nú það.

En síðan fékk ég gjörsamlega raunveruleikasjokk um daginn þegar það bankaði maður upp á og vildu fá að skoða íbúðina því hann ætlaði kannski að flytja hingað inn. Það fannst mér heldur skrítin tilfinning Síðan hélt það bara áfram. Ég fékk bréf frá ljósmóðurskólanum um að ég hefði ekki komist inn og þá var það orðið alveg pottþétt að við værum að koma heim! Og síðan lét ég dagmömmuna hennar Jónínu Margrétar vita af því að við værum að fara að flytja heim svo ég skrifaði undir uppsagnarsamning hjá dagmömmunni í gær. ÚFF! Síðan ætla ég núna að fara að pakka niður í nokkra kassa. Þið trúið því ekki hvað þetta er skrítið. Mér fannst samt ekki svona skrítið að flytja út.

Annars sótti ég líka um í hjúkkunni á Íslandi. Ég bjóst bara við því að það væri nóg að vera með stúdendtspróf, en maður þarf að vera með ýmislega áfanga inni í því. Ég er reyndar með alla nema EFN103 og síðan var ég svooo heppin að frá og með vori 2008 þarf maður líka að vera með EFN203 Svo ég byrja í sumarskóla í næstu viku Þetta er kannski ekki alveg besti tíminn fyrir sumarskóla þar sem það fer allt á fullt núna í að pakka og undirbúa flutningana, síðan erum við líka að undirbúa brúðkaup og Jónína Margrét byrjar ekki á leikskóla fyrr en í lok ágúst svo hún verður heima hjá mér og ég er að segja ykkur það að það er gjörsamlega ómögulegt að læra með hana heima. En mamma getur vonandi passað hana eitthvað. Síðan ekki til að bæta það, þá eru prófið í sömu viku og brúðkaupið þegar allt er örugglega á fullu í að klára að undirbúa brúðkaupið En svona verður þetta bara að vera, úff, úff, úff og meira úff!

En annars verður ferðaplanið okkar þannig. Doddi útskrifast á föstudeginum 27.júní, svo við höfðum hugsað okkur að fá gám á mánudeginum 30.júní, síðan fara til Berlínar daginn eftir í smá útskrifarferð og vera þar til 4. eða 5.júlí og þá komum við heim Þetta er alla vega planið núna, en það getur alveg breyst. En það er alla vega pottþétt að við komum í síðasta lagi heim 5.júlí

Þetta eru smá fréttir frá fólkinu í Álaborg og bráðum Reykjavík

Ég fæ alveg bara heimþrá við að skrifa þessa færslu!

Kveðja frá okkur í Danaveldi.

Það er ekkert smáræði hvað hún Jónína Margrét okkar er orðin stór stelpa. Hún er farin að tala svo mikið og geta svo margt! T.d. í gær þá var hún var fara að sofa og síðan tók hún bangsann sinn og lét hann vinka foreldrunum og sagði "Bless, bless, góða nótt". Það var líka í gærkvöldi, þegar ég var að gera hana klára til að fara í háttinn þá sagði hún "Jónína dugleg, tyggjó, mamma líka tyggjó, pabbi líka tyggjó". Það var semsagt vegna þess að við höfum alltaf gefið henni eitthvað góðgæti þegar hún pissar í koppinn og er tyggjó algjörlega í uppáhaldi Hún er líka orðin svo dugleg að vera bleyjulaus. Við erum með koppinn frammi í stofu, þar sem hún tætir allt inn á baði ef það er opið :/ En hún byrjar alltaf á því þegar hún vaknar að taka bleyjuna af sér sjálf og pissa í koppinn, síðan fær hún bleyju þegar hún fer til dagmömmunar og síðan er hún tekin af þegar hún kemur heim og þá er hún bleyjulaus alveg þangað til hún fer að sofa og fer alltaf alveg sjálf á koppinn Hún var veik núna síðustu daga og þá var hún alveg bleyjulaus allan daginn, nema þegar hún svaf og það gekk bara alveg eins og í sögu. Svo nú er bara það næsta að láta hana sofa án bleyju Síðan getur þetta barn allt líka og er náttúrulega bara mesti tætari og prílari sem til er (erfði það frá föðurnum ). Þegar hún var alltaf farin að stíga upp í neðstu skúffuna inni í eldhúsi til að teygja sig upp á borð til að geta tætt hressilega þá var sett barnalæsing á þá skúffu. En sú stutta gerir sér þá bara lítið fyrir núna og klifrar upp skúffurnar og er barasta öll komin upp á borð. Síðan er frökenin líka barasta búin að læra að opna barnalæsingarnar og það á nammiskápnum, takk fyrir! Er stundum komin með troðfullan munninn af nammi ef foreldranir eru ekki nógu fljótir að hlaupa

En síðan er það af hinu barninu okkar, honum Skúla. Það er nefnilega þannig að við erum að fara að flytja heim núna í lok júní/byrjun júlí og Skúli verður ekki tekinn með heim til Íslands, en honum vantar gott heimili til að búa á. Hann er útikanína, en hann getur alveg verið innikanína og það fylgir með honum útibúr og innibúr. Hann Skúli verður 1 árs í ágúst og er algjört yndi. Honum þykir æðislegt að fá að hlaupa aðeins um og elskar að láta klóra sér á bakvið eyrun og á enninu. Hann kemur oft hlaupandi til manns til að sníkja klapp og fer þá gjarnan upp á tvær fætur til að vera alveg viss um að fá klappið sitt. Hann er brúnn og hvítur og með brún augu og hér kemur er mynd af litlu beautybollunni minni.

Hver vill eiga mig?

S:40516539 eða e-mail erlaberglind@gmail.com